Kristnastovulegan 17. – 20. okt 2019

Kristnastovulegan 2018

Komið burtur úr stórbýinum og njótið eitt langt vikuskiftið saman við øðrum føroyingum “ude på landet”. Her verður nakað fyri stór og smá, bæði til likam og sál.

Á skránni verða bíbliutímar, barnaløtur, postarenning, lovsongsløtur og breyðbróting, legubál og snobrød, og ikki at gloyma fríløturnar, tá fólk sita og práta, fara ein túr ella bara njóta at vera á legu!

Símun Absalonsen kemur at hava bíbliutímarnar. Evnið er: Trúgv og avbjóðingar út frá søgunum um Ábraham, Ísak og Jákup.

Legan byrja við nátturða hóskvøldið kl. 18 og endar sunnudagin kl. 14, beint eftir frokost og avrudding.

Legugjald:
Vaksin: kr. 500. (kr. 470 um komið verður fríggjadag).
Børn: kr 100 (goldið verður fyri maks 2 børn pr familju).
Børn 0-1 ár: ókeypis.
Eindagstúr uttan at sova: vaksin: kr. 200, børn: kr. 50. 

Tilmelding
Meldið tykkum til skjótast tilber. Tilmelding á facebook-eventinum undir Kristinastovu og á lista í gongini í Kristnastovu – tú kanst eisini ringja til Kristnastovu 32 55 18 09 ella skriva til kristnastova@kristnastova.dk. Endalig tilmelding er við at gjalda legugjaldið á kontu 1551-2254808 ella við Mobilepay á telf. 85201 (Viðmerk navn/nøvn á teimum, sum gjaldið er fyri) í seinasta lagi 7. oktobur.

At hava við
Lak + dýnu ella soviposa + handklæði. Uttanduraklæðir og uttandurðaskógvar ella -stilvar, og evt innanduraskógvar og ítróttarklæðir.

Bakstur til leguna
Brúk er fyri skuffukakum, smákakum og bollum. Tit kunnu seta matin í Kristnastovu mikukvøld ella hósmorgun, so verður hann koyrdur til legustaðið.

Ferðast til leguna
Møguleiki verður at fylgjast við øðrum til legustaðið. Andrew Godtfred (tlf 42 46 04 48) Jakobsen verður ‘ferðaleiðari’. Vit møtast á Nørreport statión um hálvgun fimm tíðina og ferðast síðani saman við S-tok til Hillerød og síðani við Gribskov- og Hornbækbanen til Græsted station, har vit verða heintað við bili.

Um tit hava spurningar eru tit vælkomin at spyrja Doru ella Niels Paula.